СТАНИ РАДИОАМАТЕР
Од каде да почнам ?
Според самата дефиниција, радиоаматер е секој оној кој има положено радиоаматерски испит и поседува лиценца/дозвола за користење на фреквенции во радиоаматерскиот опсег.
Значи потребни се две работи:
- Положен радио аматерски испит
- Дозвола за користење на фреквенции во радиоаматерскио опсег
Како и каде се полага радиоаматерскиот испит ?
Радио аматерскио испит го организира и го закажува Агенцијата за Електронски Комуникации (АЕК). Испитот е бесплатен. Испит за А класа може да полагаат само кандидати со наполнети 16 години веќе имаат положено испит за Р и ја поседуваат повеќе од 2 календарски години, а за P класа со наполнети 12 години.
Начин на пријавување и полагање радиоаматерски испит
Кандидатот, кој сака да полага испит за радиоаматерски оператор , треба до Агенцијата да поднесе:
- пополнето писмено барање – пријава за испит Пријава за полагање на испит за радиоаматерски оператор
- извод од матична книга на родени (копија)
- уверение за државјанство (копија),
- за кандидати помлади од 18 години и согласност од законскиот застапник (заверена на нотар).
Барањето за издавање на одобрение за користење на радиофреквенции во аматерска служба се поднесува до Агенцијата во пишана форма согласно Правилник за формата и содржината на барањето за издавање на одобрение за користење на рф.
При поднесување на барањето за издавање на одобрение за користење на радиофреквенции се поднесува:
- пополнет образец Барање за издавање на одобрение за користење на радиофреквенции во радиоаматерска служба (линк до документот подолу)
- доказ за извршена уплата на административна такса во износ од 550 ден (копија од уплатница) согласно Упатство за уплата на административни таксии
- Диплома за положен радиоаматерски испит.
Барање за издавање на одобрение за користење на фреквенции во радио аматерската служба
Информациите се превземени од сајтот на АЕК
Следете не на Facebook
